माओवादी प्रदर्शनं यातायात अस्तव्यस्त

एकीकृत नेकपा (माओवादीं) याःगु छघौया प्रशासन ज्याकू घेराउया कारणं येँय्या ट्राफिक व्यवस्था बुधवाः अस्तव्यस्त जूगु दु । नागरिक सर्वोच्चताया माग व राष्ट्रपतिया पलाःया विरुद्ध आन्दोलन यानाच्वंगु माओवादीं लच्छिन्यंकया संघर्षया ज्याझ्वः कथं बुधवाः सरकारी ज्याकूथी घेराउ या:गु खः ।

माओवादीया भातृ संगठनतय्सं बुधवाः सुथय् झिताः ईलं निसें झिंछताः ई तक सिंहदरवार, येँय् यल ख्वपः जिल्ला प्रशासन ज्याकूथी घेराउ याःगु खः । अथेहे माओवादीं देयरन्यंया जिल्लाय् सीडीओ ज्याकू नं घेराउ याःगु खः ।