नेपालभाषा न्ह्यसः लिसः क्वचाल
येँ (सन्ध्या टाइम्स)/ महांकाल मावि महाबूया स्वर्ण जयन्तीया लसताय् जूगु अन्तर मावि नेपालभाषा न्ह्यसः लिसः कासाय् हिमालय मावि न्हाप लाःगु दु। अथे हे विश्व निकेतन उमावि लिउ, जगतसुन्दर ब्वनेकुथि लियां लिउ व सिद्धार्थ बनस्थली इन्ष्टिच्यूटयात उमावि हःपाः सिरपाः लाःगु दु ।
विद्यालयया प्रअ विजया वदन श्रेष्ठं न्ह्यसः न्यनाः उलेज्या यानादीगु उगु कासाय् थीथी न्हय्गू स्कुलं ब्वति काःगु खः।
थुगु कासां यानाः नेपाल संवत् ११२४ निसें दिनाच्वंगु अन्तर मावि न्ह्यसः लिसः कासां हाकनं निरन्तरता काइगु भलसा ग्वसाः खलकं काःगु दु। सिरपाः यँलाथ्व पारुकुन्हु विद्यालयया स्वर्ण जयन्तीया लसताय् जुइगु ज्याझ्वलय् तुं लःल्हाइगु खँ ग्वसाः खलकं धाःगु दु ।
