माओवादीं हानं सरकारया नेतृत्व याइ : भट्टराई
एकीकृत नेकपा (माओवादी)या उपाध्यक्ष डा. बाबुराम भट्टराईं माओवादीं हानं छक्वः सरकारया नेतृत्व याइगु दाबी यानादीगु दु ।
मंगलवाः कार्यकर्तातय्त प्रशिक्षण बीत तनहुँ थ्यंकादिम्ह भट्टराईं नेपालय् जनतां चाहे जू कथं परिवर्तन जुइत माओवादी नेतृत्व बिनाया सरकारं छुं यायेमफइगु दाबी यानादिसें माओवादी हानं सरकारया नेतृत्व याइगु धयादिल । वयेकलं माओवादी आन्दोलनया नांमय् जंगल लिहांमवनीगु तर जनताया बिच्चे सतकं आनदोलन याइगु धयादिल ।
नेपालय् राजतन्त्र मदेधुंकूसां छोटे राजातय्सं सकारत्मक परिवर्तन चाहेमजूगुलिं न्हूगु नेपाल निर्माणय् अवरोध जुयाच्वंगु बिचाः उपाध्यक्ष भट्टराईं प्वंकादिल । वयेकलं जनतां त्याका छ्वपिं सतकय् व बूपिं चाहीं सरकारय् थ्यंगु टिप्पणी यानादिसें वयेकलं निगू थासं बुम्ह प्रधानमन्त्री व चुनाव हे ब्वति मकापिं मन्त्री जुया देशय् गाईजात्रा क्यनाचवंगु द्वपं बियादिल ।
