परीक्षा स्थगन बैठक
येँ (सन्ध्या टाइम्स)/ त्रिभवन विश्वविद्यालयं न्ह्याकाच्वंगु थीथी तहया परीक्षा स्थगित जूगु विषयय् थौं विद्यार्थी व त्रिवि दथुइ वार्ता जूगु दु। थौंया वार्ता लिपा विद्यार्थी प्रतिनिधि व त्रिविया दथुइ स्थगित जूगु परीक्षा हाकनं संचालन यायेगु व न्ह्यानाच्वंगु परीक्षायात नियमित रुपं न्ह्याकेगु सहमति जूगु दु ।
उखे थौं जूगु वार्तायात अखिल (क्रान्तिकारीं) धाःसा बहिष्कार याःगु दु ।
अखिल (क्रान्तिकारीं) प्रमाणपत्र तह चीकेगु त्रिविया निर्णय मभिंकूतले वार्ताया औचित्य मदु धासें वार्ता बहिष्कार याःगु खः।
थ्वहे झ्वलय् प्रमाणपत्र तह चीकूगु विरोधय् अखिल (क्रान्तिकारीं) थौं थप ज्याझ्वः घोषणा यायेत्यंगु दु ।
