तमलोपाया कार्यकर्तातय्सं थःगु हे पार्टीया मन्त्रीयात दुर्व्यवहार
सत्तारुढ दल तराई-मधेश लोकतान्त्रिक पार्टीया कार्यकर्तातय्सं सरकारय् पार्टीया पाखें सहभागी मन्त्रीं जनताया भावना कथं ज्या मयाःगु धासें पार्टीया अध्यक्ष महन्थ ठाकुर व मन्त्रीयात घेराउ याःगु दु । उमिसं तमलोपाया पाखें युवा व खेलमुद मन्त्री जुयादिम्ह गणेश नेपालीं थःगु मन्त्रालय अन्तर्गतया निकायया राष्ट्रिय खेलकुद परिषदया नियुक्ति यावलय् पार्टीया कार्यकर्ता व मधेशीयात मयाःगु धासें कार्यकर्ता व सभासदतय्सं वयेकयात ल्हा तकं वाःगु खः ।
तमलोपाया बिजुलीबजारय् च्वंगु ज्याकूथी मंगलवाः न्हिनय् प्यंगू दर्जन कार्यकर्तातय्सं कार्यकर्ता व पार्टीया भावना कथं ज्या मयाःगु धासें नारावाजी व दुर्व्यवहार याःगु खः । अथेहे अन समाचार संकलन यावंपिं कान्तिपुर टेलिचिजनया पत्रकार प्रकाशचन्द्र परियार व क्यामेरमेन रामशरण शर्मायात नं दुर्व्यवहार याःगु दु ।
