माओवादीयात त्वताः न्ह्याः वंसाः देशय् दुर्घटना : खनाल
नेकपा (एमाले)या अध्यक्ष झलनाथ खनालं एनेकपा (माओवादी)यात याकचाः त्वताः न्ह्याःवंसाः देशय् दुर्घटना जुइफुगु ख्याच्वः बियादीगु दु ।
प्रेस चौतारी बाँकें मंगलवाः नेपालगञ्जय् ग्वसाः ग्वःगु पत्रकार सम्मेलनय् अध्यक्ष खनालं आःया आवश्यकता सहकार्य व सहमति जूगु धयादिसें दलत थःथःगु हे ढंग ज्या यायेत स्वसाः शान्ति प्रकृया व संविधान निर्माणया केन्द्रबिन्दुलय् थ्यंके मफइगु खँ धयादिल ।
अध्यक्ष खनालं माओवादीं न्ह्याकूगु सतक व सदन आन्दोलनया छुं हे अर्थ मदुगु धायादिसें अध्यक्ष खनालं माओवादीयात शान्ति प्रकृयाय् लिहां वयेकत इनाप यानादिल । माआवादीया संकल्प प्रस्तयात संसदय् सहलह यायेफइगु खँ वयेकलं धयादिल । दलत दथुइ असमझदारी अप्वसाः जनतां विश्वास यायेगु वातावरण मदइगु धयादिसें एमाले अध्यक्ष खनालं दलत छप्पं जुया न्ह्याः वनेगुया विकल्प मदु धयादिल ।
