सेनाया गाडीया ठक्करं छम्ह सित
नेपालगञ्जया गणेशमान चोकय् नेपाली सेनाया गाडीं ठक्कर बिया छम्ह सर्वसाधारण सीवं मगंलवाः सुथंनिसें अन तनाव शुरु जूगु दु ।
मंलगवाः सुथय् च्याताः ईलय् नेपाली सेनाया ना. १. झ. ५९२ नम्बरया गार्डी सुर्खेत सतकय् च्वंगु गणेशमान चोकय् पैदलयात्री प्रेमनारायण पौडेलयात ठक्कर ब्यूगु खः । ठक्कर बिवं पौडेलयात वासः याकेत भेरी अञ्चल अस्पताल यंकूगु ईलय् लँय् मदुगु खः । न्य्यदँया पौडेल नेपालगाज वडा नं १३ एमालेया उपसचिव ख: ।
ठक्करय् लानः सर्वसाधारण सिवं अनं तनाव शुरु जूगु दु । आक्रोसित स्थानियवासितय्सं सेनाया गाडीयात भेरी अञ्चल अस्पताल परिसरय् च्याकाब्यूगु दु । स्थानीयवासीतय्सं विरोध प्रदर्शन यायेवं प्रहरीं बल प्रयोग याःगु ईलय् खुम्ह घाःपाः जूगु दु । स्थानीयवासीतय्सं थाय् थायसय् विरोध प्रदर्शन यानाच्वंगु दुसाः ठक्कर ब्यूगु गाडीया चालक सहित सेनाया जवानत चार बाहिनी प्रवेश याःगु धासें चारबाहिनी घेराउ यासें नारावाजी यानाच्वंगु दु ।
