संसदया बैठक अवरुद्ध

नागरिक सर्वोच्चताया माग यासें सदन व सतकं आन्दोलन यानाच्वंगु एकीकृत नेकपा (माओवादीं) सोमवाःया व्यवस्थापिका संसदया बैठक नं अवरुद्ध याःगु दु ।

सोमवाः च्वंगु बैठक न्ह्ययेवं न्ववानादिसें माओवादी सभासद् अग्नि साप्कोटां राष्ट्रपतिया पलाः बारे संसदय् सहलह याके मब्यूतल्ले संसद न्ह्यके मब्यूगु खँ धयादीगु खः । वयेकलं राष्ट्रपति थम्ह हे थ्व राजनीतिक पलाः जूगु धायादिधुंकूगु खँ न्ह्यथनादिसें राजनीतिक पलाःया बारे संसदय् छाय् सहलह यायेमदुगु धकाः न्ह्यसः तयादिल ।

वयेकलं न्ववासिधेवं माओवादीया सभासद्तय्सं रोष्ट्रम घेरे यानाः नाराबाजी यायेवं सभामुख सुवसाचन्द्र नेम्वाङं बैठक मंगलवाः तकया निंतिं स्थगित जूगु घोषणा यानादीगु खः ।