राजनीतिक गतिरोधया बारे प्रम व कोइराला दथुइ सहलह

प्रधानमन्त्री माधवकुमार नेपाल व नेपाली कांग्रेसया सभापति गिरिजाप्रसाद कोइराला दथुइ सोमवाः सनिलय् राजनीतिक गतिरोधया बारे खँल्हाबंला जूगु दु ।

कांग्रेस सभापति कोइरालाया महाराजगंजय् च्वंगु छेँय् जूगु खँल्हाबंलाय् लिप्पांगु राजनीति अवस्थाया बारे सहलह जूगु ख: । गृहमन्त्री भीम रावल नापं कोइराला निवास थ्यंकादिम्ह प्रधानमन्त्री नेपालं माओवादी शुरु याःगु आन्दोलन, सदनय् जुयाच्वंगु अवरोध, उच्चस्तरीय संयन्त्र गठन व संवैधानिक समितिया सभापति ल्ययेगु विषयलय् नं खँल्हाबंला यानादीगु खः ।