माओवादी आन्दोलनया छुं तुक मदु : खनाल

नेकपा (एमाले)या अध्यक्ष झलनाथ खनालं राष्ट्रपतिया विषययात कयाः माओवादीं न्ह्याकूगु आन्दोलनया छुं तुक मदुगु खँ धयादीगु दु ।

सोमवाः बर्दियाय् एमाले अञ्चल स्तरिय अगुवा कार्यकर्ता भेलाया सम्बोधन यानादिसें अध्यक्ष खनालं ई नि ब्य आन्दोलन शुरु यानाः माओवादीं सहमतिय राजनीति स्यंकूगु द्वपं बियादिल । वयेकलं कांग्रेस व माओवादी नाप एमालेया छुं कथंया वर्गीय लडाई मदुगु स्पष्ट यानादिसें वैचारिक लडाईयात वर्गीय लडाईलय् रुपान्तरण याये मज्यूगुलि बः बियादिल ।

वयेकलं प्रतिक्रियावादी तत्वयात समाप्त मयातल्ले न्हूगु संविधान निर्माण यायेमफइगु ठोकुवा यानादिल । अथेहे अध्यक्ष खनालं प्रतित्रियावादी व यथास्थितिवादी सोचया कारणं राजनीतिक धरातल चीब्याः जुयावनाच्वंगु बिचाः प्वंकादिल ।