विद्यार्थीपाखे थौं नं प्रदर्शन
येँ (सन्ध्या टाइम्स)/ त्रिभुवन विश्वविद्यालयं प्रमाणपत्र तह चीकूगुया विरोध ज्याझ्वलय् म्हिगः अस्कल क्याम्पसय् प्रहरीं हस्तक्षेप यायेगु लिसें विद्यार्थीतय्त ज्वंगुलिं थौं थीथी क्याम्पस न्ह्यःने विद्यार्थीतय्सं विरोध प्रदर्शन यानाच्वंगु दु।
विद्यार्थीतय्सं क्याम्पस न्ह्यःने टायर च्याकाः प्रदर्शन यानाच्वंगुलिं यातायात ठप्प जुयाच्वंगु दु ।
विद्यार्थीतय्सं प्रमाण-पत्र तहयात निरन्तरता बीमाःगु, ज्वंपिं विद्यार्थीतय्त याकनं त्वःतेमाःगु माग यासें थौं थ्व विरोध प्रदर्शन याना च्वंगु खः। प्रदर्शन पनेत थीथी क्याम्पस पिने प्रशस्त प्रहरी पाः तयातःगु दु ।
