खतराया ख्याच्वः

येँ (सन्ध्या टाइम्स)/नागरिक सर्वोच्चता व राष्ट्रिय स्वाधिनताया पक्षय् जुयाच्वंगु माओवादी आन्दोलनपाखें ब्वलने फइगु दुर्घटनाया सामना यायेत सरकार तयार जुइत माओवादीया उपाध्यक्ष नारायणकाजी श्रेष्ठ (प्रकाशं) ख्याच्वः बियादीगु दु। थौं पोखराय् क्रान्तिकारी पत्रकार संघं याःगु पत्रकार सम्मेलनय् न्ववासें वय्कलं क्वःछिनातःगु इलय् संविधान च्वयेत, सेना समायोजन यायेत व शान्ति प्रक्रियायात निष्कर्षय् थ्यंकेत दवाव बी कथं थःपिंसं थ्व पलाः ल्ह्वनागु खँ नं कनादिल ।