भारतय् माओवादी कार्यकर्ताया हत्या

एनेकपा (माओवादी)या भातृ संगठन वाइसीएलया धनुषा जिल्ला कमिटीया दुजः व राजदेवी युवा क्लबया अध्यक्ष अरुणकुमार मण्डल उर्फ राकेश नेपालीया भारतया सितामढीइ हत्या जूगु दु ।

भारतया विहार राज्यय् च्वंगु सितामढीलय् राकेश नेपालीयात निगू राउण्ड गोली क्येकाः स्यागू खँ नेपालीया छेँजःपिसं धाःगु दु । राकेशयात शनिवाः बहनी च्यताः ईलय् गोलीं क्येकाः स्यागू खसाः लिपाः वयात सितामढीया लखनइर खुसी नापसं वांछ्वयातःगु ईलय् लुइकूगु खः ।

टयाक्टर मरमत यायेत भारत वंगु ईलय् नेपालीया हत्या याःगु खसां हत्या सुना व छाय् यात धइगु खँ आः तक सिकेमफुगु खँ प्रहरीं धाःगु दु । नेपालीया सीम्ह कायेत जनकपुरं माओवादीया नेता रामचन्द्र मण्डल सहितया पुचः सितामढी पाखे वंगु दु ।