उपराष्ट्रपति प्रकरणय् संविधान संशोधन यायेत मन्त्री गुप्ताया माग
वाणिज्य व आपूर्ति मन्त्री राजेन्द्र महतों उपराष्ट्रपति प्रकरणय् संविधान संशोधन यायेमाःगु बिचाः प्वंकादीगु दु ।
शनिवाः जककपुरय् झिक्वःगु नेपाली राष्ट्रिय हिन्दी सम्मेलनया उल्लेज्या यानादिसें वयेकलं उपराष्ट्रपति परमानन्द झां हानं खँय् भासं सपथ कायेगुया छुं औचितय मदुगु धायदिसें न्यायप्रणालीलय् मधेशी विरोधीत दुगु टिप्पणी यानादिल । वयेकलं संविधानयात संशोधन यानाः राष्ट्रपति व उपराष्ट्रितं नं थःगु यःगु भासं सपथ कायेदइगु प्रावधान उल्लेख जुइमाःगु बिचाः प्वंकादिल ।
वयेकलं मधेशय् मेची निसें महाकाली तक हिन्दी भाय् सम्पर्क भाय् जूगु धयादिसें मधेशी विरोधी तत्वं हिन्दी भाषायात दबे यायेत स्वःगु द्वपं बियादिल । वयेकलं उपराष्ट्रपितं थःगु पदं राजीनामा मब्यूसें हिन्दी भाय्यात स्थायीत्वया निंतिं विद्रोह यायेत इनाप यानादिल ।
अथेहे ज्याझ्वलय् वयेकलं थः स्वक्वः तक मन्त्री जुयागु ईलय् हिन्दी भासं सपथ कायावलय् गुंनं कानुनं छुं मधाःगु धयादिसें उपराष्ट्रपतियात हानं खँय् भासं सपथ यायेत ब्यूगु निर्देशनं अदालत मधेश विरोधी जूगु पुष्टि जूगु धयादिल ।
