सरकार सुम्क मच्वनीगु : प्रधानमन्त्री
Posted on Sat Aug 8, 2009 4:22 pm NST
प्रधानमन्त्री माधवकुमार नेपालं एकीकृत नेकपा (माओवादी) आक्रमक रुपं प्रस्तुत जुसाः सरकार सुम्क मच्वनीगु ख्याच्वः बियादीगु दु ।
नेकपा (एमाले)या कार्यकर्ता नापलायेत शनिवाः येँय् क्षेत्र नम्बर २लय् थ्यंकादिम्ह प्रधानमन्त्री नेपालं माओवादीं न्ह्याकूगु आन्दोलनयात लक्षित यानादिसें माओवादीया न्ह्यने सरकार आत्मासमर्पण मयाइगु धयादिल । वयेकलं सरकारया ज्याखँयात अवरोध यायेगु ज्या यासाः लँ सफा यायेगुया विकल्प मदु टिप्पणी यानादिल ।
माओवादी अध्यक्ष पुष्पकमल दाहाल 'प्रचण्ड'नापया खँल्हांबंला लिपाः कार्यकर्ता नापलायेत झायादिम्ह प्रधानमन्त्री नेपालं माओवादीं न्ह्याकूगु नागरिक सर्वोच्चताया आन्दोलनया बारे ज्याझ्व:लय् आक्रमक रुपं प्रस्तुत जुयादिगु खः ।
