प्रधानसेनापति कटवाल बिदाय्
लच्छि लिपाः सेवा निवृत जुयादित्यंम्ह प्रधानसेनापति रुक्मांग कटवाल सोमवाः निसें बिदाय् च्वनादीगु दु ।
कटवालं शुक्रवाः राष्ट्रपतिया ज्याकू, प्रधानमन्त्री व रक्षा मन्त्रालय् औपचारिक पौ च्वयाः साउन २६ गते निंसें बिदाय् च्वनेगु जानकारी बिवं रक्षा मन्त्रलायं वयेकया निवेदन मन्त्रिपरिषदय् पेश यायेगु कथं स्वीकार याःगु खः ।
तच्वकं विवादय् लानादिम्ह प्रधानसेनापति कटवाल औपचापरक रुपं लच्छि लिपाः भदौ २५ गते जक अवकाश जुयादीगु जुसां आः वइगु सोमवाः निसें वयेक बिदाय् च्वनादीत्यंगु खः । प्रधानसेनापति पदं अवकाश जुइ लच्छि न्ह्यः बिदाय् च्वनीगु चलन कथं वयेक नं बिदाय् च्वनादित्यंगु खः ।
प्रधानसेनापति कटवाल उमेर हदया कारणं लच्छि लिपाः अनिवार्य अवकाश जुयादित्यंगु खः । कटवालया बिदा नापं रथी छत्रमानिसंह गुरुङं कामु प्रधानसेनापतिया जिम्मेवारी काइगु जूगु दु ।
