मन्त्रीतपाखें छड्के जाँच

सामानय प्रशासनमन्त्री रविन्द्र श्रेष्ठ व राज्यमन्त्री जीतु गौतकं कर्मचारीया ज्याखँया छड्के जाँच यानादीगु दु ।

शुक्रवाः सुथय् सामान्य प्रशासन मन्त्रालय व येँ जिल्ला प्रशासन थ्यंकूपिं मन्त्री श्रेष्ठ व गौतमं छुं शाखा अधिकृत नापं स्वीम्ह कर्मचारीत ज्याकूथी अनुउपस्थित जूगु लुइकूगु दु । व्यवस्थापिका संसद अन्तर्गत राज्यव्यवस्था समितिया बैठकं कर्मचारीत ज्याकूथी लिबाक्क वइगु व जनतया ज्याय् ढिलासुस्ती जुयाच्वंगु जानकारी यायेवं मन्त्रीतय्सं छड्के जाँच याःगु खः ।

जाँच लिपाः मन्त्री श्रेष्ठं जनताया ज्याखँ दिलासुस्ती याइम्ह न्ह्याम्हं जुसां मत्वतीगु धयादिल । वयेकलं गृहमन्त्रालयया समन्वयलय् जिल्ला प्रशासन ज्याकूगी छड्के जाँच यानाःगु धयादिल ।