प्रमाणपत्र चीकेत्यंगु विरोधय् गाडी च्याकल
येँ (सन्ध्या टाइम्स)/त्रिविविं प्रमाणपत्र तह चीकेत्यंगुया विरोध यासें थौं अमृत साइन्स क्याम्पसया विद्यार्थीतय्सं लैनचौरय् प्रदर्शन यात। प्रदर्शनया झ्वलय् विद्यार्थीतय्सं अन बा. १ झ ११२९ नम्बरया छगः सरकारी गाडीइ मि तया बिउगु दु। गाडीइ मि तयेवं विद्यार्थी व प्रहरी दथुइ छझाः ल्वापु नं जूगु खः ।
त्रिविं प्रमाणपत्र तह खारेज यायेगु निर्णय यायेवं विद्यार्थीतय्सं खारेज याये दइ मखु धकाः आन्दोलन याना वयाच्वंगु दुसा उखे माओवादी समर्थित अखिल (क्रान्तिकारीं) थीथी क्याम्पस व त्रिवि न्ह्यःने रिले अनसन च्वनाच्वंगु दु ।
