अस्कलय् विद्यार्थी व प्रहरी दथुइ ल्वापू

त्रिभुवन विश्वविद्यालयं प्रमाणपत्र तह खारेज यायेगु निर्णयया विषयया विरोध यासें विद्यार्थीतय्सं अमृत साइन्स क्याम्पस लैनचौर न्ह्यनय् शुक्रवा: प्रदर्शन याःगु दु । प्रर्दशनया झ्वलय् विद्यार्थीतय्सं बा. १. झ. ११२९ नम्बरया सरकारी गाडीइ मी च्याकाः ब्यूगु दु ।

प्रहरीं प्रदर्शनयात नियन्त्रण यायेत स्ववलय् विद्यार्थी व प्रहरी दथुइ ल्वापू नं जूगु दु । प्रदर्शनया कारणं उगु श्रेत्रया सवारी आवगमन अवरुद्ध जूगु खः । त्रिभुवन विश्वविद्यालयं प्रमाणपत्र तह खारेज यायेगु निर्णय यायेवं विद्यार्थी संगठनतय्सं उकीया विरोध यानावयाच्वंगु खः ।