कार्यदलया बैठक बिना निष्कर्ष क्वचाल
येँ (सन्ध्या टाइम्स)/उच्च स्तरीय संयन्त्र दयेकेगु निंतिं स्वनातःगु स्वंगू दलया कार्यदलया बैठक थौं नं बिना निष्कर्ष क्वचाःगु दु। थौं सुथय् माओवादी संसदीय ज्याकू सिंहदरवारय् च्वंगु बैठकय् माओवादीया दुजःतय्सं सरकारं थःपिंलिसे जूगु सहमति कार्यान्वयन मयाःतले संयन्त्रया औचित्य मदु धायेवं बैठक बिना निष्कर्ष क्वचाःगु खः। माओवादीं सहमति कार्यान्वयन जुल धाःसा गुगुं नं इलय् संयन्त्र दयेके फइगु खँ धाःगु दु ।
