कार्यदलया बैठक विना निष्कर्ष क्वचाल

उच्चस्तरिय संयन्त्रया निंतिं गृहकार्य यायेत गठन जूगु स्वंगू दलया कार्यदया बैठक बिना निष्कर्ष क्वचाःगु दु ।

बिहीवाः सुथय् माओवादीया संविधानसभा दलया ज्याकूथीइ च्वंगु कार्यदलया बैठकय् सत्तारुढ दल व विपक्षी दलतय्सं थःथःगु अडान मत्वतेवं बैठकं छुं निष्कर्ष पिकायेमफुगु खः । बैठकय् माओवादीं थःपिनिगु माग कार्यान्वयन यायेत सरकार गम्भीर मजूगु धासें संयन्त्रय् च्वनेगुया छुं औचितय मदुगु खँ तःगु खः ।

माओवादी संसदीय दलया उपनेता नारायणकाजी श्रेष्ठ प्रकाशं थःपिनिगु माग सरकारं पूवंकुसाः थःपिं न्ह्याःगु ईलय् नं संयन्त्रय् च्वनेत तयार दुगु खँ धयादिल ।

अथेहे कांग्रेस नेता व कार्यदलया दुजः कृष्ण सिटौलां कार्यदलया उदेश्य क्षेत्राधिकारया बारे खँ जुसां छुं निष्कर्ष पिकाये मफुगु धयादिल ।