कारचालक सिंहं आत्मसमर्पण
भोटाहीटिलय् खुम्हेसिया ज्यान वनेगु कथं दुर्घटना याम्ह कार चालक विप्लवमान सिंहं बुधवाः बहनी प्रहरी समक्ष आत्मसमर्पण याःगु दु ।
आत्मसम्पर्ण लिपा सिंहं मंगलवाः बहनी खिचापोखरीइ च्वंगु थःगु हे छेँ जरमनिया पार्टी सिधेकाः थःथिति पिंत छेँ तःवनेगु ईलय् गाडी अनियन्त्रित जुया दुर्घटना जूगु बयान ब्यूगु दु । येँय् प्रहरी प्रमुख एसपी नवराज सिलवालं बुधवाः बहनी झिंछतात्याः ईलय् सिंहं आत्मासमपर्ण याःगु जानकारी बियादिल ।
प्रहरीं दुर्घटनाग्रस्त जूगु ईलय् सिंह नापं गाडीइ सवार मेपिंत नं बयानया निंतिं बिहीवाः सःतिगु तयारी यानाच्वंगु दु । प्रहरीं गाडी चालक सिंहयात सामान्य घाःपा जूगु खँ प्रहरीं धाःगु दुसाः चालक सिंह थः नापं गाडीइ सवार मेपिं स्वम्ह सकुशल जूगु बयान ब्यूगु दु ।
एभरेष्ट कलेज थापाथली पाखें झिंनिगू तगिं पास याम्ह नीदँया सिहंयात आ: हनुमान ढोका प्रहरी परिसरय् तयातःगु दु ।
