माओवादी माग असार्न्दभिक जूगु एमाले-कांग्रेसया निष्कर्ष
सत्ता नेतृत्व यानाच्वंगु नेकपा (एमाले) व सत्ता साझेदार दल नेपाली कांग्रेसं एकीकृत नेकपा (माओवादीं) ल्ह्वंनाच्वंगु नागरिक सर्वोच्चताया मुद्दा असार्न्दभिक जूगु निष्कर्ष पिकाःगु दु ।
बुधवाः च्वंगु निगू सत्ता साझेदार दलतया बैठकं माओवादीं राष्ट्रपतिया पलाःयात कयाः संसदय् सहलह जुइमाःगु माग असार्न्दभिक जूगु निष्कर्ष पिकाःगु दु ।
मंगलवाः च्वंगु सर्वदलीय बैठकय् सहमति जुइमफेवं माओवादीया माग बारे सहलह यायेत बुधवाः निगू दलया बैठक च्वंगु खः । बैठकय् माओवादीया मागयात सम्बोधन यायेगु बारे सहलह जूगु खसां राष्ट्रपतिया पालःयात दलतय्सं समर्थन यायेधुंकूगुलिं आः थ्व विषयलय् सहलह यायेगुया छुं औचित्य मदइगु निष्कर्ष पिकाःगु खः ।
कांग्रेस नेता विमलेन्द्र निधिं माओवादीया माग पूवनेधुंकूगुलिं आः थ्व विषयलय् सहलह यायेगु छुं आवश्वकता मदुगु निष्कर्षय् बैठक थ्यंगु धयादिल । बैठकय् प्रधानमन्त्री माधवकुमार नेपाल लगायत एमाले व कांग्रेसया नेतातय्सं ब्वति काःगु खः ।
माओवादीं राष्ट्रपतिया पलाःया बारे संसदय् सहलह याकेमाःगु अडान कयाच्वंगु दु । माओवादीं बिहीवाः दुने सरकारं थःगु माग पूमवंकूसाः शुक्रवाः निसें नागरिक सर्वोच्चताया निंतिं आन्दोलनया घोषणा नं यायेधुंकूगु दु ।
