कांग्रेस सचेतकय् पन्त

नेपाली कांग्रेसं संसदीय दलया सचेतकय् कमला पन्तयात नियुक्त याःगु दु ।

दलया नेता रामचन्द्र पौडेलं बुधवाः पन्तयात सचेतकय् नियुक्त यानादीगु खः । पौडेलं थ्वस्वयां न्ह्यः सचेतक जुयाच्वनादिम्ह शोभाकर पराजुलीयात चीका पन्तयात चयन यानादीगु खः । पौडेलं प्रमुख सचेतकय् थ्वस्वां हे नियुक्त जुयादिम्ह लक्ष्मण घिमिरेयात यथावत तयादीगु दु ।

नेपालीं कांग्रेस संसदीय दलया नेताय् पौडेल चयन जुइधुंकाः उपनेताय् प्रकाशमान सिंहयात चयन याःगु खः । थ्वस्वां न्ह्य: कांग्रेस सभापति गिरिजाप्रसाद कोइरालां प्रमुख सचेतकय् घिमिरे व सचेतकय् पराजुलीयात चयन यानादीगु खः ।

कांग्रेस संसदीय दलया विधानय् प्रमुख सचेत व सचेतकयात दलया नेतां चयन याइगु व निम्ह मध्ये छम्ह मिसा जुइमाःगु प्रावधान दु ।