उपराष्ट्रपतिं नेपालीं सपथ कायेमाः : गच्छदार

उपप्रधानमन्त्री विजयकुमार गच्छदारं सर्वोच्च अदालतं याःगु फैसला कथं उपराष्ट्रपति परमानन्द झां नेपाली भासं सपथ कायेमाःगु खँ धयादीगु दु ।

मन्त्री गच्छेदारं विराटनागरय् संचारकर्मीत नाप खँल्हाबंला यानादिसें उपराष्ट्रपति देय्या हे सम्मानित व्यक्तित्व जूगुलिं अदालतया आदेश पालना यायेमाः धयादिल ।

मधेशी जनअधिकार फोरम लोकतान्त्रिकया अध्यक्ष नं जुयादिम्ह गच्छदारं संविधान निर्माण व प्रजातन्त्रया निंतिं थःम्हं अडान कयागुलिं पार्टी विभाजन जूगु धयादिसें सभासदत न्याये-मी जूगु द्वपंया खण्डन यानादिल । वयेकलं फोरम लोकतान्त्रिकया विधानय् 'एक मधेश एक प्रदेश' न्ह्यथंनामतःगु धयादिसें थःपिं स्वायत्त मधेश प्रदेशया पक्षय् दुगु धयादिल ।