'जनताया साथ कयाः न्हूगु नेपाः देयेकां हे त्वतीगु'
एकीकृत नेकपा (माओवादी)या अध्यक्ष पुष्पकमल दाहाल 'प्रचण्डं' संविधान निर्माण व शान्ति प्रकृयायात निष्कर्षय् थ्यंकेत देय्न्यंक आन्दोलनया घोषणा यानाःगु खँ धयादीगु दु ।
कीपूया पागांय् ऐतिहासिक सम्पदा पुननिर्माणया बुधवाः सुथय् उल्लेज्या यानादिसें वयेकलं शान्ति विरोधी विदेशी तत्वं देशय् अराजकता ब्वलंकाः संविधान निर्माणयात हाथ्या बीत स्वःगुलिं आन्दोलनया घोषणा यानाःगु धयादिल ।
ज्याझ्वलय् अध्यक्ष प्रचण्डं जनताया साथ कयाः न्हूगु नेपाः देयेकां हे त्वतीगु दाबी यानादिसें न्हाक्वः हे थाकूसां नागरिक सर्वोच्चताया निंतिं छुं नं शक्तिया न्ह्यनय् क्वमछुइगु धयादिल । अध्यक्ष प्रचण्डं नागरिक सर्वोच्ता स्थापना यायेत मेची निसें महाकाली तकया जनताय् वनीगु तर विदेशीया ईशाराय् न्ह्या मवनीगु धयादिल ।
वयेकलं वर्तमान सरकार विदेशीतय् इशाराय् चलेजुयाच्वंगु द्वपं बियादिसें थ्व सरकार यक्व दिं तक टिके जुइमफइगु दाबी यानादिल ।
