'विदेशीया न्ह्यःने क्वछुइ मखु'
येँ (सन्ध्या टाइम्स)/ जनताया साथ कयाः जूसां न्हूगु नेपाः दयेकेगु खँ माओवादी अध्यक्ष प्रचण्डं धयादीगु दु। थौं सुथय् पांगाय् ज्येष्ठ नागरिक क्लबया उलेज्या यासें वय्कलं उगु खँ धयादीगु खः ।
देशय् प्रतिक्रान्तिकारीत हावी जुयाच्वंगु खँ कनादिसें वय्कलं तर जनताया न्ह्यःने प्रतिक्रान्तिकारीत टिके मजुइगु खँ नं धयादीगु दु ।
वर्तमान सरकार विदेशीतय् इशाराय् न्ह्यानाच्वंगु द्वपं बियादिसें वय्कलं नागरिक सर्वोच्चता स्थापित यायेगु निंतिं मेचीनिसें महाकालीतकया जनताया न्ह्यःने वनेगु खँ कनादिसें तर विदेशी शक्तिया न्ह्यःने क्वःमछुइगु खँ नं धयादिल ।
'नेपाःमि जनताया विषयसं विदेशीतय्सं गुगुं नं कथंया निणय याये दइ मखु।' वय्कलं धयादिल ।
न्ववायेगु झ्वलय् वय्कलं शान्ति विरोधीतय्त कारवाही यानागुलिं षडयन्त्र यानाः थःपिनि सरकार क्वःथःगु द्वपं नं वय्कलं बियादिल ।
