जाजरकोटय् थौं हानं निम्ह सित

येँ (सन्ध्या टाइम्स)/झाडा बान्तां कयाः जाजरकोटय् थौं हाकनं निम्ह सीगु दु। नायकबडा गाविसया भिमबहादुर विक व धारापानी गाविसया पानमति तिरुवा थौं सुथय् सीगु खः। थ्व नापं यानाः जाजरकोटय् जक झाडा बान्तां सीपिनि ल्याः १८८ म्ह थ्यंगु दु। अन अझ नं झाडा बान्ता नियन्त्रणय् मवःनि। उखे माओवादी नेता जनार्दन शर्मा (प्रभाकर)या नेतृत्वय् वंगु स्वास्थ्यकर्मीतय् पुचलं वस्तुस्थिति थुइकेगु निसें वासः यायेगु ज्या न्ह्याकूगु खँ धाःगु दु ।