युवक बौद्ध मण्डलया ३९ क्वःगु तःमुँज्या
यल (सन्ध्या टाइम्स)/ युवक बौद्ध मण्डलया स्वीगुक्वःगु तःमुँज्या संस्थाया वरिष्ठ सल्लाहकार बेखारत्न शाक्यया मूपाहांसुइ जुल। संस्थाया नायः सानुराजा शाक्यया सभापतित्वय् जूगु मुँज्याय् महासचिव राजेश शाक्यं २०६५ सालया प्रतिवेदन न्ह्यब्वयादिल। दांभरी हेमरत्नं ल्याःचाः प्रतिवेदन न्यंकादीगु ज्याभ्,वलय् निर्वाचन अधिकृत तेजमुनि बज्राचार्यं नीछक्वःगु ज्यासना पुचःया उम्मेदवारपिं म्हसीकादिल ।
निक्वःगु चरणय् हेरारत्न शाक्यया अध्यक्षताय् न्हूगु ज्यासना पुचः ल्यःगु दु। न्हूगु ज्यासना पुचलय् निवर्तमान अध्यक्ष सानुराजा शाक्य, प्रथम उपाध्यक्ष सुरेन्द्र शाक्य, द्वितीय उपाध्यक्ष शोभा शाक्य, महासचिव बुद्धरत्न शाक्य, सचिव सुरेश वज्राचार्य, उप सचिव उजय वज्राचार्य, प्रचार सचिव प्रदीप वज्राचार्य, कोषाध्यक्ष हेमरत्न शाक्य व उप कोषाध्यक्ष आशारत्न शाक्य च्वनादीगु दु ।
अथेहे दुजलय् राजेश शाक्य, सनील वज्राचार्य, राजेश शाक्य, अरणी वज्राचार्य, तीर्थरत्न शाक्य, विश्व वज्राचार्य, सनम ज्योति शाक्य, शुक्रराज शाक्य व ज्ञानमुनि शाक्य च्वनादीगु दु। नापं वरिष्ठ धम्मानुशासक संघनायक भिक्षु बुद्धघोष महास्थविर, धम्मानुशासक युवक बौद्ध मण्डलया पूर्व अध्यक्ष भिक्षु ज्ञानपूर्णिक महास्थविर, वरिष्ठ सल्लाहकार लोकदर्शन वज्राचार्य, वरिष्ठ सल्लाहकार बेखारत्न शाक्य, सल्लाहकार तीर्थमान शाक्य व सल्लाहकार कथं कृष्णलाल महर्जनपिंत मनोनित याःगु दु ।
