माओवादी आन्दोलन बारे अनमिनया च्यूताः
एकीकृत नेकपा (माओवादीं) घोषणा याःगु आन्दोलन बारे नेपाल स्थित संयुक्त राष्ट्रसंघीय नियोग अनिमिनं च्यूताः प्वंकूगु दु ।
माओवादी संविधान सभा दलया ज्याकूथी बुधवाः सुथय् माओवादी नेतात नाप नापलायेगु झ्वलय् अनमिन प्रतिनिधितय्सं माओवादीं नकतिनि सार्वजनिक याःगु आन्दोलनं शान्ति प्रकृया संविधान निर्माण लगायत खँय् प्रभाव लाकीगुलि च्यूताः प्वंकूगु ख: ।
दलत दथुइया दूरी अप्वःगु कारणं उच्चस्तरीय राजनीतिक संयन्त्र निर्माणय् नं आन्यौलय् लाःगुलिं सहमतिया निंतिं प्रतिबद्ध जुइत अनमिनं खँल्हाबंलाया झ्वलय् इनाप याःगु खँ माओवादी उपाध्यक्ष नारायणकाजी श्रेष्ठ 'प्रकाशं' जानकारी बियादिल । वयेकलं अनमिनयात माओवादीं संविधान निर्माण, शान्ति प्रकृया, सेना समायोजन लगायत विषयलय् प्रतिबद्ध जूगु विश्वास प्वंकूगु नं धयादिल ।
खँल्हाबंलाय् अनमिनं उच्च स्तरीय संयन्त्र निर्माण्या निंतिं सहमति जुटे यायेत उच्चस्तरीय सहलह न्ह्याकेत नं माओवादीयात सुझाव ब्यूगु खः । माओवादीं घोषणा याःगु आन्दोलनयात कारणं सेना समायोजन व शान्ति प्रकृयायात निष्कर्षय् थ्यंकेत थाकूइफुगु धासें अनिमिनं माओवादी नेतृत्वयात नापलाःगु खः ।
