जनजाति सभासद्तय् जुलुस

येँ (सन्ध्या टाइम्स)/थुगुसी विश्व आदिवासी दिवसया लसताय् पिहां वइगु मू जुलुसय् संविधानसभाया जनजाति सभासद्तय्सं बिस्कं ढंगं ब्वति काइगु जूगु दु। दँय्दसं अगष्ट ९ तारिखयात विश्व आदिवासी दिवस कथं न्यायेकेगु घोषणा संयुक्त राष्ट्र संघं यानातःगु दु। थ्व लसताय् थुगुसी जनजाति महासंघ लगायत थीथी आदिवासी पुचः जानाः विश्व आदिवासी दिवस मुल आयोजक समिति गठन याःगु दु। थुगुसी समितिं न्हापा थें मनोरंजनात्मक ज्याझ्वः छुं हे मतसे संविधान च्वज्याय् दवाव बीगु आन्दोलनया रुपय् थ्व दिवस हनेत्यंगु दु ।