कांग्रेसयात नेवाःतय् अवधारणा बिल
येँ (सन्ध्या टाइम्स)/नेवाः स्वायत्त राज्य मंकाः संघर्ष समितिं थौं नेपाली कांग्रेसया राज्य पुनर्संरचना समितिया संयोजक गोपालमान श्रेष्ठयात नापलानाः थःपिनि माग न्ह्यब्वल। संघर्ष समितिया दुजःतय्सं भाजु श्रेष्ठयात थःपिनि अवधारणा न्ह्यब्वसें नेवाःतय्सं न्ह्याकाच्वंगु थ्व आन्दोलनया मुद्दां नेपाली कांग्रेसयात प्रभावित याः लाकि मयाः धकाः न्ह्यसः तसें उकी कांग्रेसया प्रतिक्रिया छु दु धकाः न्यंगु खः।
उकिया लिसलय् नेकां नेता श्रेष्ठं थः व्यक्तिगत रुपं जातीय
राजनीतिया पक्षय् मदु तर नं नेवाःतय् आन्दोलनयात समर्थन दु धयादिल। वय्कलं नेवाःतय् अवधारणा व माग पार्टी सभापति गिरिजाप्रसाद कोइरालायाथाय् नं थ्यंका बीगु खँ कनादिल। कोइरालां नं जातीय राजनीति मजिउ धयाच्वंगु खँ वय्कलं अन कनादीगु खः ।
पुचलय् संघर्ष समितिया सचिव नरेश ताम्राकार, दुजः मल्ल के. सुन्दर, सभासद् तीर्थराम डंगोल, नेकां नेता भिमसेन दास प्रधान आदिपिं दुथ्याःगु खः ।
