आन्दोलनं सरकार हिलेगु कुतः
येँ (सन्ध्या टाइम्स)/सरकारयात विस्थापित यायेगु निंतिं माओवादीं आन्दोलनया घोषणा याःगु द्वपं कांग्रेसया सभापति गिरिजाप्रसाद कोइरालां बियादीगु दु ।
थौं सुथय् कांग्रेसया छपुचः नेतातलिसे थःगु हे निवास महाराजगञ्जय् खँल्हासें वय्कलं उगु द्वपं बियादीगु खः।
अवकास न्ह्यः बिदाय् च्वने धाःम्ह प्रधानसेनापति बारे अनावश्यक विवाद माओवादीं पिकयाच्वन धासें वय्कलं राष्ट्रपति व प्रधानमन्त्रीयात सार्वजनिक थासय् बहिष्कार यायेगु धकाः माओवादीं याःगु निर्णय थः सत्तां चिलेमाःगुया तुष्टि जक खः धकाः नं वय्कलं धयादिल ।
