दल मिले मजुयाः राष्ट्र खतराय्
येँ (सन्ध्या टाइम्स)/राजनीतिक दलत मिले मजुइगु खःसा राष्ट्रियता खतराय् लाइगु खँ एमालेया अध्यक्ष झलनाथ खनालं धयादीगु दु। प्रेस चौतारी नेपालं थौं विराटनगरय् याःगु ज्याझ्वलय् न्ववासें वय्कलं राष्ट्रियता, सार्वभौमसत्ता व स्वतन्त्रताय् गम्भीर लिच्वः लाकाच्वंगुलिं राजनीतिक दलत मिले जुइगुया विकल्प मदु धयादिल। वय्कलं राजनीतिक दलतय् दथुइ ब्वलंगु विवादया कारणं राष्ट्र कमजोर जूगु खँ नं कनादिल।
