ताम्सालिङ व सरकार दथुइ सहमित

आन्दोलनरत ताम्सालिङ संयुक्त संर्घष समिति व सरकार दथुइ सहमति जूगु दु ।

मंगलवाः शान्ति व पुननिर्माण मन्त्रालयलय् जूगु वार्ताय् सरकारं संर्घष समितिया माग पूवंकेत सहमति प्वंकेवं निगुलिं पक्ष दथुइ च्यागू बुँदे सम्झौता जूगु खः । सहमतिलिपा संर्घष समितिं दक्वं आन्दोलनया ज्याझ्वः लितः काःगु दु । संर्घष समितिया मागयात सरकारं तत्काल, कानुन देयेका व न्हूगु संविधानय् न्ह्यथंनेगु कथं सम्बोधन यायेगु औपचारिक सहमति जूगु खः ।

वार्ताय् तामाङ बाहुल्य दुगु क्षेत्रय् नमूना विकास कार्यक्रम दयेकेगु, ताम्सालिङ चक्रपथ दयेकेगु, तामाङतय्त सेनाय् पिपा गोश्वारा दयेकेगु प्रथा खारेज यायेगु लगायत संर्घष समितिं ल्हवनाच्वंगु मागत बारे सहमति जूगु खः।

थ्वस्वयां न्ह्यः माओवादी नेतृत्वया सरकार नाप नं संर्घष समितिं झिंगुंगू बुँदे सहमति याःगु खः ।