राष्ट्रपति व प्रधानमन्त्री दथुइ खँल्हाबंला
राष्ट्रपति डा. रामवरण यादव व प्रधानमन्त्री माधवकुमार नेपाल दथुइ सोमवाः खँल्हाबंला जूगु दु ।
राष्ट्रपति भावन शितल निवासय् जूगु खँल्हाबंलाय् प्रधानसनेपतिया अवकाश, माओवादीया अल्टिमेटम आदिया बारे खँ जुसां प्रमुख रुपं उपराष्ट्रपतिया शपथ प्रकरणया बारे सर्वोच्च अदालतं याःगु निर्णयया बारे खँल्हाबंला जूगु खः ।
उपराष्ट्रपति परमानन्द झां सर्वोच्च अदालतं ब्यूगु निर्णय माने यायेमखु धकाः अभिव्यक्ति बीवं प्रधानमन्त्री नेपाल थुकीया हे बारे सहलह यायेत राष्ट्रपति निवास थ्यंकादीगु खः । खँल्हाबंलाय झ्वलय् प्रधानमन्त्री नेपालं कानुनी व राजनीतिक रुपं दक्वं पक्षयात स्वीकार्य जुइ कथं निकास मालेगु खँ राष्ट्रपतिया जानकारी बियादीगु खः ।
अथेहे राष्ट्रपति यादवं थुकी थःगु भुमिका छु जुइगु धकाः प्रधानमन्त्री नेपालयात न्ह्यसः तयादीगु खँ प्रधानमन्त्रीया प्रेस सल्लाहाकार राजेन्द्र दाहालं जानकारी बियादिल ।
