नेपाःया राजवंशीतय्सं सँ खाइगु
येँ (सन्ध्या टाइम्स)/ भारतय् नकतिनि मदुम्ह जयपुरया पुलांम्ह महारानी गायत्री देवीया लुमंतिइ नेपाःया राजवंशीतय्सं सँ खाइगु जूगु दु। नेपाःया पूर्वी लागाया झापा, सुनसरी व मोरङ्गय् च्वंपिं राजवंशीतय्सं थथे सँ खानाः शोक माने यायेत्यंगु खः ।
थ्व राजवंशीतय्सं थःपिंत भारतया कुचविहार प्रान्तया पुलांपिं जुजु खलः धकाः तायेकी। महारानी गायत्री देवी वहे कुच विहारया शासक खः। राजवंशीतय्सं थःपिं नं वहे वंशया सन्तान जूगुलिं गायत्री देवी थःपिनि महारानी जुल उकिं वयागु निधनय् झिंस्वन्हु दुकुन्हु सँ खायेगु धकाः घोषणा याःगु खः ।
जयपुरया अयासी महाराज सवाई मान सिंहलिसे इहिपा याना वःम्ह महारानी गायत्री देवीयात उगु इलय् विश्वया हे दकलय् बांलाःम्ह मिसा धाइगु खः। भारतया
राजा महाराजात निर्मूल यायेधुंकाः गायत्री देवी नं
राजनीतिइ कुहां वयाः स्वक्वः तक लोकसभाया सभासद् जुलसा इमर्जेन्सी कालय् वय्कः नं न्याला जेलय् लाःगु खः। उकुन्हु ९० दँय् वैंशय् वय्कः मंत ।
