थुगुसीया तःमुँज्या त्रिपुरासुन्दरीइ

ख्वप (सन्ध्या टाइम्स)/ स्वीदँ न्ह्यवंनिसें त्वाःत्वालय् कौलाथ्व द्वादशी व त्रयोदशी निन्हुयंकं याना वयाच्वंगु नेपालभाषा साहित्य तःमुँज्या थुगुसी ख्वपया वडा नं. ८ त्रिपुरासुन्दरीइ याइगु जूगु दु। वइगु नेपाल संवत् ११२९ कौलाथ्व द्वादशी व त्रयोदशी (असोज १५ व १६ गते) निन्हुयंकं नीगुक्वःगु नेपालभाषा साहित्य तःमुँज्या व सांस्कृतिक ब्वज्या यायेगु तःमुँज्या मूगुथिं क्वःछिउगु दु।
गुथिया नायः चन्द्रबहादुर उलकया अध्यक्षताय् जूगु मुँज्यां तःमुँज्या ताःलाकेत च्वमि व साहित्यकारतय्त रचना बियाः ग्वाहालि यायेत इनाप याःगु दु ।