ख्यालिन्हिलि ज्याझ्वः जुइगु

येँ (सन्ध्या टाइम्स)/थुगुसी सापारुया लसताय् ख्यालिगुलु गुथिपाखें ख्यालिन्हिलि ज्याझ्वः याइगु जूगु दु। थगुने थ्व ज्याझ्वः मजूगु खःसां थुगुसी ज्याझ्वः यायेत ग्वसाः ग्वयाच्वनागु खँ गुथिं धाःगु दु। गुथिपाखें थुगुसी ख्यालः नापं व्यंग्य रचना, जादू आदि थेंज्याःगु न्हून्हूगु ब्वज्या नं यायेगु ताः तयातःगु खँ ग्वसाः खलकं धाःगु दु। ख्यालि ज्याझ्वः यायेगु न्हि क्वःमजिउनिसां सापारु क्वचायेवं उगु ज्याझ्वः यायेगु खँ नं धाःगु दु। गुथिपाखें वंगु छुं दँ न्ह्यवंनिसें थज्याःगु ख्यालिन्हिलि ज्याझ्वः याना वयाच्वंगु दु ।