मैनालीपाखें राजीनामा
सरकारं राष्ट्रपतिया ज्याकूथी प्रमुख सचिव त्येगु निर्णय यासां जिम्मेवारी मब्यूगु धासें सचिव उमेश मैनालीं पदपाखें राजीनामा बियादीगु दु ।
मैनालीं सोमवाः मुख्य सचिव माधव घिमिरे समक्ष थःगु राजीनामा बियादीगु खः । मन्त्रीपरिषदया साउन ९ गते च्वंगु बैठकं मैनालीयात राष्ट्रपति ज्याकूथी प्रमुख सचिव छ्वयेगु निर्णय याःगु खः ।
ज्याकूथीया प्रमुख सचिवय् नियुक्त जुयादिम्ह मैनालीं छुं हे जिम्मेवारी मब्यूगु धासें राजीनामा बियादीगु खँ धयादिल । वयेकलं दक्व नाप सहलह याना हे थःम्हं राजीनामा बियागु धयादिल । वयेकलं थःयात मानसिक यातना ब्यूगु नं धयादिल । वयेकलं थ:म्हं कांग्रेस सभापति गिरिजाप्रसाद कोइराला नाप नापलाना:गु ईलय् थः निजामति सेवा कथं हे बढुवा जूसाः जक राष्ट्रपतिया ज्याकूथी वनेत तयार जूगु धयागु धयादिल ।
प्रशासनिक क्षेत्रय् समान योग्यता दुगु धासें मैनालीयात मुख्य सचिव सरह पद सिर्जना याना राष्ट्रपतिया ज्याकूथी नियुक्ति यासां जिम्मेवारी मब्यूगुलिं वयेकलं राजीनामा बियादीगु खः ।
