आःयात शरण बन्द

येँ (सन्ध्या टाइम्स)/नेपाः त्वःताः आः सुनां नं फ्रान्सय् शरणार्थी जुयाः बसोबास यायेगु बिचाः यानाच्वंगु खःसा आः बिचाःयात त्वःतूसां जिउ। शरणार्थीया निवेदन बियाः फ्रान्सय् च्वनेत्यंम्ह नेपाःमि शोभा गजुरेलयात नकतिनि बेल्जियमया सीमाय् प्रहरीं ज्वनाः कुना बिउगु दु। थौंकन्हय् फ्रान्सं थःगु देशय् गैरकानुनी रुपं च्वनाच्वंपिं २५,००० म्ह विदेशी पितिनेगु नीति दयेकूगु दु। उकी हे लानाः गजुरेलयात नं ज्वंगु खः। गजुरेलं बियातःगु निवेदन स्वीकृत मजूनिगु कारणं आः वयात छुं न्हि अनया विदेशीत कुनीगु जेलय् कुनीगु जूगु दु ।