न्हापांखुसी धम्मपद धेंधेंबल्लाः
येँ (सन्ध्या टाइम्स)/बुद्ध धर्मया नांजाःगु कृति 'धम्मपद' वाचन ज्याझ्वः नकतिनि जुल। न्हापांखुसी जूगु उगु ज्याझ्वलय् शाक्यसिंह परियत्ति थैना न्हाप, बेलुवनाराम परियत्ति थेच्व लिउ व दिपंकर परियत्ति नागबाहाः लियांलिउ लाःगु खः ।
युवा बौद्ध समूहया ग्वसालय् जूगु उगु ज्याझ्वलय् अखिल नेपाल भिक्षु महासंघया सचिव भिक्षु धर्ममूर्ति मूपाहां कथं बिज्याःगु खः। समूहया नायः त्रिरत्न मानन्धरया सभापतित्वय् ज्याझ्वः जूगु खःसा उकी राजा शाक्यं सुभाय् देछानादीगु खः। ज्याझ्वलय् मूपाहांनं पदक व दसिपौ नापं दाता ईश्वरीदास मधिकर्मिं दां सिरपाः लःल्हानादीगु खः ।
