त्रिचन्द्रया क्याम्पस प्रमुखयात कुटपिट

येँया त्रिचन्द्र क्याम्पसया प्रमुख हरिप्रसाद पराजुलीयात आइतवाः न्हिनय् छगू अज्ञात पुचःलं कुटपिट याःगु दु । क्याम्पसय् च्वनाच्वंगु ईलय् पराजुलीयात उगु पुचःलं कुटपिट याःगु खः । प्रत्यक्षदर्शीतय् कथं पराजुलीयात उगु पुचःलं मेचं तकं क्येकूगु खः ।

क्याम्पस प्रमुखयात छाय् व सुनां कुटपिट याःगु धकाः मस्युनीसां थुकी अनेरास्ववियुया ल्हाः दुगु द्वपं नेपाली कांग्रेस सर्मथित नेपाल विद्यार्थी संघं ब्यूगु दु । नेविसंघं भदौ २१ गते टेण्डर विवाद जूगु ईलय् थः केन्द्रीय दुजः भिमिसंह गुरुङयात गोली क्येकूपिं अनेरास्ववियुया कार्यकर्तात ऐनबहादुर महर व सिमक बडालयात प्रहरीं शनिवाः ज्वंगु विरोधय् अनेरास्ववियुं थ्व घटना याःगु खँ धाःगु दु ।