बर्माया स्वतन्त्र आन्दोलनप्रति कोइरालाया समर्थन

नेपाली कांग्रेसया सभापति व पुलांम्ह प्रधानमन्त्री गिरिजाप्रसाद कोइरालां विश्वया न्ह्याःगु थासं जुइगु प्रजातान्त्रिक आन्दोलनय् थःपिनिगु समर्थन दइगु धयादीगु दु ।

बर्मा सोलिडारिटी ग्रुपया नेतात नाप आइतवाः सुथय् थःगु हे छेँय् महारजगंजय् जूगु खँल्हाबंलाय् सभापति कोइरालां प्रजातान्त्रिक आन्दोनप्रति थःगु समर्थन दुगु धयादिल । पुचःलय् बर्माया स्वतन्त्र आन्दोलनया अभियान्त तिन्त स्वे सहित भारतीय नेतात सुरेन्द्र भदौरिया, प्रा. आनन्द कुमार लगायतया नेतातय्त दुगु ख: ।

बर्माय् जारी प्रजातान्त्रिक आन्दोलनय् समर्थन जुटे यायेत पुचः नेपाः वःगु खः । कोइरालां प्रेस स्वतन्त्रताया अग्रणी अमेरिका, प्रजातन्त्रया जाननी बेलायत व दकलय् तःधंगु प्रजातान्त्रिक दे भारतं चाहे जुसाः बर्माया आन्दोलन सफल जुइगु बिचा: प्व‌ंकादिल ।