संयन्त्र दयेकेत सहलह
येँ (सन्ध्या टाइम्स)/उच्च स्तरीय राजनीतिक संयन्त्र दयेकेगु बारे थौं सुथय् कांग्रेस व एमाले दथुइ सहलह जुल ।
कांग्रेस सभापति गिरिजा प्रसाद कोइरालाया छेँय् जूगु उगु सहलहय् कन्हय् माओवादी सहित प्रमुख स्वंगू दल दथुइ सहलह यानाः उच्चस्तरीय संयन्त्र दयेकेगु सहमति जूगु दु ।
माओवादी अध्यक्ष पुष्प कमल दाहाल 'प्रचण्ड' उच्चस्तरी संयन्त्रय् च्वनेत तयार जूगुलिं थौ उकिया बारे सहलह ब्याकूगु खः। वय्कःपिनि दथुइ माओवादीं ल्ह्वनाच्वंगु मागयात गय् यानाः पूवंकेगु धइगु बारे नं खँ जूगु खः ।
