नेपाः पार्टीया दुजःतय्त हना
येँ (सन्ध्या टाइम्स)/येँ व यलया स्थानीय निकायय् नियुक्त जूपिं नेपाः राष्ट्रिय पार्टीया दुजःतय्त थौं छगू ज्याझ्वःया दथुइ ख्येंसगं बियाः हन। पार्टी अध्यक्ष डा. केशवमान शाक्यया सभापतित्वय् जूगु उगु ज्याझ्वलय् वय्कःपिंत न्वकु सुवर्ण केशरी चित्रकारं ख्यें सगं बियादीगु खः। ज्याझ्वलय् न्वकु डा. रमेशकुमार श्रेष्ठं लसकुस यानादीगु खःसा मेम्ह न्वकु नरेशवीर शाक्यं सुभाय् बियादीगु खः ।
नेपाः पार्टीपाखें येँ जिविस, यल जिविस, येँ मनपा, किपू नपा व यल उपमनपाय् प्रतिनिधि नियुक्त यायेधुंकूगु दुसा आः गाविस व वडाय् नं याकनं हे नियुक्ति यायेत्यंगु दु ।
