बेसाःभाः विरुद्ध ख्वपय् जुलुस व सभा
ख्वप (सन्ध्या टाइम्स)/नेपाल क्रान्तिकारी विद्यार्थी संघ ख्वप जिल्लाया ग्वसालय् ख्वपय् बजाःभाः थहांवंगु विरुद्ध जुलुस व सभा जुल। वंशगोपालं शुरु जूगु जुलुस देय् चाःहिलाः सूर्यमढीइ थ्यंकाः सभाय् हिउगु खः। सभाय् नेमकिपाया केन्द्रीय सचिव व सभासद् सुनिल प्रजापतिं न्हूगु संविधान दयेके धकाः त्याकावःपिं सभासद्तय्सं आः जातजाति, क्षेत्र, मधेशी व दलीत कथं विभक्त जुयाः अभिब्यक्ति बियाच्वन धकाः द्वपं बियादिल। सभासद् जग्यबहादुर शाहीं संविधानसभाय् राजनीतिक दलया खँ स्वया नं जातजाति व एनजीओतय्गु बर्चश्व कायम जुयाच्वन धयादिल। ज्याझ्वलय् किसान नेता गोबिन्द दुवाल, विद्यार्थी नेता निरज लवजूं नं न्ववानादीगु खः ।
