थीथी थासय् वंगु चलखं गुम्ह सित

स्याङ्जा, तनहुँ व दैलेखय् बिहीवा: चान्हय् वंगु चलखय् लाना: गुम्हेसिया ज्यान वंगु दु । स्याङ्जाया चित्रेभन्ज्याङय् न्याम्ह, तनहुँलय् स्वम्ह व दैलेखय् छम्ह सिगु दु ।

स्याङ्जाया चित्रेन्ज्याङ गाविस वडा-५य् च्वंगु हटियाय् चलखं प्यम्ह घाःपा जूगु दुसाः स्वीखाः छेँजः विस्थापित जूगु दु । छुं न्हि निसें निरन्तर वाः वया बिहीवा: चान्हय् अन पीगु मिटर च्वयेनं कुतुवंगु चलखय् ल्हानाः टिकामाया मानन्धर, मिलन मानन्धर, निलनारायण मानन्धर, भुवनी मानन्धर व जौमाया मानन्धर सिगु खः ।

अथेहे तनहुँया किहँ गाविस-१ कोटडाँडाय् चलखं छखाः हे छेँया स्वम्ह सिगु दु । छेँय् च्वये नं वःगु चलखं ल्हानाः बबिता रसाइली। आरती रसाइली व अमृता रसाइली घटना स्थलय् हे सिगु खः । अथेहे निरन्तर वाः वया दैलेखया रानिबनय् वंगु चलखं स्थानीय गोपाल शाही सिगु दु ।