राजनीतिक संयन्त्र बारे कांग्रेस-एमाले नेतात दथुइ खँल्हाबंला
उच्चस्तरी राजनीतिक संयन्त्र निर्माणया विषयलय् नेकपा (एमाले) व नेपाली कांग्रेसया शीर्ष नेतातय् दथुइ सहलह जूगु दु ।
कांग्रेस सभापति गिरिजाप्रसाद कोइरालाया महाराजगंजय् च्वंगु छेँय् जूगु सहलहलय् कोइराला नापं एमालेया अध्यक्ष झलनाथ खनाल, प्रधानमन्त्री माधवकुमार नेपाल, सुचना व संचारमन्त्री शंकर पोखरेल, कांग्रेस उपसभापति रामचन्द्र पौडेल व कांग्रेस नेता कृष्णप्रसाद सिटौलां ब्वति काःगु खः । शुक्रवाः सुथय् जूगु सहलहलय् उच्चस्तरीय राजनीतिक संयन्त्र निर्माणया विषलय् शनिवाः स्वंगु प्रमुख दलत नेकपा (एमाले) नेपाली कांग्रेस व एनेकपा (माओवादी) दथुइ सहलह यायेगु सहमति जूगु दु ।
छुं न्हि न्ह्यः कांग्रेस सभापति कोइराला नाप माओवादी अध्यक्ष पुष्पकमल दाहाल 'प्रचण्डं' यानादीगु खँल्हाबंलाय् वयेक संत्रन्त्रय् च्वनेत सकारात्मक खनेदेयेवं सत्तारुढ दलतय्सं संयन्त्र निर्माणयात प्राथमिकताया विषय देयेकूगु ख: ।
