हिन्दू राष्ट्रया खँय् पोखराय् ल्वापु
येँ (सन्ध्या टाइम्स)/पोखराया चिप्लेढुङ्गाय् वाइसीएल व राप्रपा नेपालया कार्यकर्ता दथुइ ल्वापु जुयाः झिंप्यम्ह घाःपाः जूगु दु ।
नेपाःयात हिन्दू राष्ट्र कायम याये माःगु, संवैधानिक राजतन्त्र चीकेत जनमत संग्रह यायेमाःगु व संघीयता बारे जनमत संग्रह यायेमाःगु माग यानाः हस्ताक्षर मुंकाच्वंपिं राप्रपा नेपालया कार्यकर्तातय्त वाइसीएल कार्यकर्तातय्सं हस्तक्षेप यायेवं निगू पुचः दथुइ ल्वापु जूगु खः। उकी लानाः वाइसीएल पोखराया इन्चार्ज व राप्रपा नेपाल पोखराया अध्यक्ष सहित झिंप्यम्ह घाःपाः जूगु खँ धाःगु दु ।
ल्वापुइ लानाः प्यम्ह प्रहरी नं घाःपाः जूगु खँ सीदुगु दु। घाःपाः जूपिंत स्थानीय अस्पतालय् तयाः वासः याकातःगु दु। निगू पुचःया दथुइ जूगु ल्वापु लिपा चिप्लेढुङ्गा लागाय् छझाः तनाव ब्वलंगु खँ धाःगु दु ।
